The History revealed the fact that merchants played a very prominent and vital role in spreading the religion of Islam. Prophet Muhammad (PBUH) remained one of the popular merchants of his time in the Arabian Peninsula. Similarly, the same profession was also adopted by the Prophet’s companions and they propagated the message of Islam almost in every corner of the world being a core mission of their lives. The number of Islamic countries on the world’s map witness their efforts in this regard. There are numerous sayings of the Prophet (PBUH) in which he praised the honest and truthful traders and cautioned with serious wrath for the otherwise. Keeping in view the contemporary scenario of corporate world, one can easily observe the lacking of professional and ethical values among the merchants more specifically concerned with commercialization and marketing. In fact, marketing is one of the sound sources to promote business but some companies try to exploit their consumers via fake commercialization and false advertising. Pakistan, being an Islamic country, has to devise such principles and regulations regarding commercial advertising which are in full conformity with Shariah standards that will definitely, secure the rights of all stakeholders along with fine attraction for foreign investment to put the economy on growing direction. The current paper deals with the morals and values of advertising in the light of Prophetic teaching.

دین اسلام کی نشر واشاعت میں تاجروں کا کردار بہت نمایاں رہا ہے۔ رسول اللہ ﷺ عرب کے نامور اور نیک نام تاجر تھے اور آپ کے کبار صحابہ  قبل و بعد از اسلام عرب کے نمایاں اور کامیاب تاجروں میں شمار ہوتے تھے۔ جائز اور دیانت دارانہ تجارت کے حق میں احادیث مبارکہ میں بہت سے فضائل بیان ہوئے ہیں عصر حاضر کے تاجروں میں کاروباری اخلاقیات کا فقدان ہے ،جن میں سے ایک اشتہار بازی (Advertisement)بھی ہے۔ تشہیر کرنا تجارتی فروغ کے اچھے ذرائع میں سے ہےجس کے بغیر معاشی اور تجارتی استحکام مشکل ہے لیکن ساتھ ہی تشہیر کے ذریعے صارفین کا استحصال بھی معمول بن چکا ہے اس لئے تاجروں کے لئے ضروری ہے کہ تشہیر کرتے ہوئے شریعت مطہرہ کے اصول وضوابط کو مدنظر رکھیں تاکہ صارفین کے حقوق کا خیال رکھتے ہوئے اپنی تجارت کو فروغ دے سکیں اشیاء وخدمات کی تشہیر کرنا بذات خود ممنوع نہیں کیونکہ اس کا مقصد عوام کو باخبر رکھنا اور معلومات پہنچانا ہے۔

 

 

 

کاروباری اخلاقیات:

 

 

 

 

 

 

تجارت کی اہمیت:

 

 

 

 

 

 

 

 

مطلب یہ ہے کہ ایک دوسرے کا مال نا جائز کھا لینا مثلاً جھوٹ کہہ کر یا دھوکہ سے یا چوری سے بالکل درست نہیں ہاں اگر تجارت کرو تم باہمی رضامندی سے تو اس میں کچھ حرج نہیں اس مال کو کھالو ۔ تاجروں کے بارے میں حضور نبی اکرم ﷺ نے ارشاد فرمایا: التَّاجِرُ الصَّدُوقُ الْأَمِينُ مَعَ النَّبِيِّينَ وَالصِّدِّيقِينَ وَالشُّهَدَائِ ^[3]" سچا اور امانت دار تاجر قیامت کے دن انبیاء، صدیقین اور شہداء کے ساتھ ہوگا۔ "

 

آپ ﷺ کا خاندانی پیشہ تجارت تھا اور آپ ﷺ بچپن ہی میں اپنے چچا کے ساتھ کئی بار تجارتی سفر فرما چکے تھے ،جس سے آپ ﷺ کو کاروباری لین دین کا کافی تجربہ بھی ہو چکا تھا اس لیے آپ ﷺ نے ذریعہ معاش کے لیے تجارت کا پیشہ اختیار فرمایا اور ایسی راست بازی اور امانت ودیانت کے ساتھ تجارت کی کہ آپ کے شرکاء(Business Partners) اور تمام کاروباری لوگ آپ کو صادق وامین کے لقب سے پکارنے لگے ، ایک کامیاب تاجر کے لیے صدق و امانت، سچائی ،ایفائے عہد اور اچھے اخلاق تجارت کی جان ہیں اور یہ تمام خصوصیات آپ ﷺ میں بدرجہ کمال موجود تھی آپ کی بعثت سے پہلے کا واقعہ ہے جو حدیث کی کتاب ابو داؤد میں حضرت عبداللہ بن ابی الحمساء رضی اللہ تعالیٰ عنہ نےنقل کیا ہے:

 

" کہ میں نے حضور نبی کریم ﷺ سے آپ کی بعثت سے قبل کوئی چیز خریدی اس کی کچھ قیمت میرے ذمہ واجب الاداء تھی تو میں نے آپ سے وعدہ کرلیا کہ کل آپ کو یہیں اسی جگہ لا کردوں گا پھر میں بھول گیا تین روز کے بعد مجھے یاد آیا تو میں دوڑ کر آیا تو دیکھا کہ آپ اپنی اسی جگہ (موعد) پر موجود ہیں آپ نے فرمایا کہ اے جوان تو نے مجھ پر بڑی مشقت ڈال دی میں یہاں پر تین روز سے تیرے انتظار میں ہوں"^[4]

 

ایفائے عہد کا یہ واقعہ تو آپ کے بعثت سے قبل کا ہے جس سے معلوم ہوتا ہے کہ کاروبار میں آپﷺ اپنا معاملہ ہمیشہ صاف رکھتے تھے۔ بیع کرنے والوں کا سب سے پہلے آپﷺ نے "تاجر" نام رکھا ، پہلے انہیں "سماسرہ" کہا جاتا تھا جس کی اردو معنی "دلال" کے ہے جس کو انگریزی میں Broker کہتے ہیں ، حدیث کی کتابوں میں حضرت قیس بن ابی عزرہ ؓ سے روایت ہیں :

 

"کہ ہمیں رسول اللہ ﷺ کے زمانہ میں"سماسرہ"یعنی دلال کہا جاتا تھا ایک مرتبہ اللہ کے رسول صلی اللہ علیہ وآلہ وسلم ہمارے قریب سے گزرے تو ہمیں ایسے نام سے پکارا جو اس سے بہت بہتر تھا۔ فرمایا اے تاجروں کی جماعت خرید و فروخت میں قسم کھائی جاتی ہے فضول بات زبان سے نکل جاتی ہے اس لئے اس میں صدقہ خیرات ملا دیا کرو۔^[5]

 

آپ ﷺ نے " تاجر" کے لفظ سے خطاب فرما کر تاجروں کی عزت افزائی فرمائی کیونکہ " سماسرہ" کے لفظ میں اتنی عزت نہیں تھی اسی وجہ سے اس نئے نام کو لوگوں نے بہت پسند کیا ۔

 

 

اخلاق کا وصف:

 

 

رسول اللہ ﷺ نے اپنی تعلیم میں ایمان کے بعد جن چیزوں پر بہت زیادہ زور دیا ہے ان میں سے ایک یہ بھی ہے کہ آدمی اخلاق حسنہ اختیار کرے اور برے اخلاق سے اپنی حفاظت کرے قرآن مجید میں آپ ﷺ کی بعثت کے جن مقاصد کا ذکر کیا گیا ہے ان میں سے ایک یہ بھی بتایا گیا ہے کہ آپ کو انسانوں کا تزکیہ کرنا ہے قرآن مجید کے سورہ آل عمران ارشاد باری تعالیٰ ہیں :

 

"اللہ نے ایمان والوں پر احسان کیا ہے جو ان میں انہیں میں سے رسول بھیجا ان پر اس کی آیتیں پڑھتا ہے اور انہیں پاک کرتا ہے اور انہیں کتاب اور دانش سکھاتا ہے اگرچہ وہ اس سے پہلے صریح گمراہی میں تھے^[6]

 

وَيُزَكِّيْھِمْ :پاک کرنا یعنی تزکیہ کرنا اور اس تزکیہ میں اخلاق کی اصلاح اور درستی کی خاص اہمیت ہے، انسان کی زندگی میں اخلاق کی بڑی اہمیت ہے،اگر انسان کے اخلاق اچھے ہوں گے تو اس کی اپنی زندگی بھی قلبی سکون اور خوشگوار گزرے گی اور دوسروں کے لیے بھی اس کا وجود رحمت اور چین کا سامان ہو گا ۔ ایک حدیث میں بھی یہ مضمون روایت کیا گیا ہے رسول اللہ ﷺ نے ارشاد فرمایا:

 

إن من خياركم أحسنكم أخلاقا^[7] " تم میں سب سے اچھے وہ لوگ ہیں جن کے اخلاق اچھے ہیں"

 

 

 

کاروباری اخلاق

:

 

اسلام جس طرح زندگی کے دوسرے معاملات میں اخلاقی قدریں دیتا ہے اسی طرح تجارتی حوالے سے بھی اپنی کچھ اخلاقی قدریں دیتا ہے۔ اسلام نہ تو سرمایادارانہ نظام کی طرح دولت کمانے کا عام لائسنس دیتا ہے اور نہ ہی اشتراکیت کی طرح اشیاء صرف کے علاوہ ذرائع پیداوار کی ملکیت پر پابندی لگاتا ہے بلکہ وہ بنیادی طور پر زمین و آسمان کی ساری چیزوں کو خدا کی ملکیت قرار دیتا ہے اور پھر ان کو حاصل کرنے کیلئے کچھ اخلاقی اصول دیتا ہے جن کو سامنے رکھتے ہوئے ہر شخص ان کو حاصل کرسکتا ہے۔کاروباری اخلاق دراصل علم الاخلاق کی ایک شاخ ہے جس میں اخلاقی اصولوں اور ضابطوں کو تجارتی نقطہ نگاہ سے دیکھا اور پرکھا جاتا ہے۔ اس میں تجارتی حوالے سے مختلف مسائل اور تجارتی لوگوں کی ذمہ داریوں کا مطالعہ کیا جاتا ہے۔ عام طور پر یہ کہا جاسکتا ہے کہ تجارتی اخلاق کے کچھ متعین اصول ہوتے ہیں جن کو سامنے رکھتے ہوئے تجارتی معیار بنائے جاتے ہیں اور پھر لاگو کیے جاتے ہیں اور یہ فیصلہ دیا جاتا ہے کہ کیا صحیح اور کیا غلط اور کیا کیا جائے اور کیا نہیں کیا جائے۔ اسلام نے تاجروں کے لیے تجارتی اخلاقیات کا ایک طریقہ کار پیش کیا ہے، یہ ضابطہ اخلاق کاروبار میں دیانت داری ، فکر آخرت اور خوف خدا کے جذبات کو فروغ دیتا ہے۔ قرآن مجید کی اصولی ہدایت تجارت کے معاملے میں یہ ہے سورۃ النساء میں ارشاد باری تعالیٰ ہے: " اے ایمان والو آپس میں ایک دوسرے کا مال ناجائز ذریعے سے نہ کھاؤ بلکہ باہمی رضامندی کے ساتھ تجارت کی راہ سے نفع حاصل کرو۔‘‘ ^[8]

 

اس آیت کے ذریعے اللہ سبحانہ وتعالیٰ نے ظلم وزیادتی اور دوسروں کا حق مارنے پر مبنی معیشت کے ان تمام ذرائع کو ممنوع قرار دیا ہے جو معاشرے کے طاقت ور طبقات اور سرمایہ داروں نے ہمیشہ معیشت اور تجارت کے راستے سے کمزوروں اور غریبوں پر اپنی مرضی ٹھونسی ہے۔اللہ سبحانہ وتعالیٰ نے ظلم واستحصال (Exploitation) کے یہ سارے راستے بند کر دیے اور حکم فرمایا کہ معاشی معاملات کی بنیاد باہمی رضامندی اور تجارت کے اصول پر ہونی چاہیے۔ اسلام کے اصول تجارت میں سے بنیادی اصول یہ ہیں کہ تجارت باہمی رضامندی سے ہونی چاہیے۔فریقین کسی جبر یا زبردستی کے بغیر اپنی آزاد مرضی سے آپس کے معاملات طے کریں۔ اس لیے کہ اسلام میں تجارت کی بنیاد باہمی تعاون پر ہے اور تجارت کی وہ تمام شکلیں جن میں کسی دوسرے فریق کی کمزوری ،کم علمی یا بے خبری سے فائدہ اٹھا کر اس کو کسی چیز کے خریدنے پر مجبور کیا جاتا ہے۔ ممنوع وناجائز ہیں اس سے یہ بھی واضح ہوتا ہے کہ اشیاء کی ایسی تشہیر یا اشتہار بازی (Advertisment) یا نفسیاتی حربوں کا ایسا استعمال جو انسانی عقل وفکر کو دھوکہ دے اور ایک شخص اپنی مرضی کے خلاف محض نفسیاتی شعبدہ بازی کی وجہ سے کسی چیز کی خرید نے پر مجبور ہو جائے ،یہ اسلام کے مطابق نہیں ۔ اسلام کے اصول تجارت میں سے ایک اصول یہ بھی ہیں کہ کاروبار ایمان داری کے ساتھ ہو جس میں کسی قسم کا دھوکہ یا بددیانتی نہ ہو ، تجارتی مال کی اصل کیفیت لوگوں کے سامنے واضح کی جائے اور ان کو غلط فہمی میں رکھ کر مال خریدنے پر مجبور نہ کیا جائے۔اسی طرح اپنا فائدہ حاصل کرنے کے لیے جان بوجھ کر لوگوں کو نقصان پہنچانا ، وعدہ خلافی یا خیانت کرنا ، دھوکہ دینا یہ سب شرعی اعتبار سے صحیح نہیں ہیں۔

 

 

 

ہم اس بارے میں کچھ قرآنی آیات اور احادیث کا ذکر کرتے ہیں۔ قرآن مجید میں اللہ تعالیٰ ارشاد فرماتے ہے:

 

 

قرآن مجید کے سورۃ الا عراف میں اللہ سبحانہ وتعالیٰ نے نبی کریم ﷺ کی یہ صفات بیان کی ہیں:

 

"وہ ان کو نیکی کا حکم کرتا ہے اور برے کام سے روکتا ہے اور ان کے لیے سب پاک چیزیں حلال کرتا ہے اور ان پر ناپاک چیزیں حرام کرتا ہے اور ان پر سے ان کے بوجھ اور وہ قیدیں اتارتا ہے جو ان پر تھیں سو جو لوگ اس پر ایمان لائے اور اس کی حمایت کی اور اسے مدد دی اور اس کے نور کے تابع ہو ئے جو اس کے ساتھ بھیجا گیا ہے یہی لوگ نجات پانے والے ہیں" ^[10]

 

ایک اور آیت میں ارشاد باری تعالیٰ ہے: وَاِنَّكَ لَعَلٰى خُلُقٍ عَظِيْمٍ ^[11]" بلاشبہ آپﷺ اخلاق کے اعلیٰ درجے پر فائز ہیں"

 

بلاشبہ آپ ﷺ اخلاق کے بہت بڑے مرتبے پر ہیں ۔ اتنے بڑے مرتبے پر جس کی نظیر و مثال چشم فلک نے نہ اس سے پہلے کبھی دیکھی اور نہ آئندہ قیامت تک کبھی دیکھ سکے گی۔ حضرت عائشہ ؓ سے روایت ہے کہ کوئی شخص بھی رسول اللہ سے بڑھ کر عمدہ اخلاق والا نہ تھا آپ کو آپ کے صحابہ اور اہل بیت میں جب بھی کسی نے پکارا آپ نے لبیک ہی کہا اسی وجہ سے آپ کی شان میں اللہ نے یہ آیت نازل فرمائی۔^[12] اخلاق کے حوالے سے آپ ﷺ نے اپنے بارے میں ارشاد فرمایا: إنما بعثت لأتمم صالح الأخلاق^[13] "کہ مجھے اچھے اخلاق کی تکمیل کیلئے بھیجا گیا ہے"

 

 

 

 

 

 

== تشہیر یا اشتہار کا اصطلاحی مفہوم: ==

 

 

اشتہارات یا ایڈورٹائزنگ کاروبار کو ترقی دینے اور بڑھانے میں بہت اہمیت کی حامل ہے۔موجودہ دور میں اس کے لئے پرنٹ والیکٹرانک میڈیا،ہورڈنگز،فلائر،بروشر،ای میل،ویب سائٹ ایڈ،ریڈیو اور موبائل SMS وغیرہ کا استعمال کیا جاتا ہے۔

 

 

اسلامی تعلیمات کے تناظر میں تجارتی اشتہارات :

 

 

تجارتی اشتہارا ت کے لغوی واصطلاحی وضاحت کے بعد مناسب معلوم ہوتا ہے کہ اسلامی تعلیمات کے تناظر میں اس بات کا جائزہ پیش کیا جائے کہ اس طرح کے اشتہارات کا کیا حکم ہیں ۔

 

 

تجارتی اشتہارات کے جائز ہونے کے دلائل

 

 

 

 

 

 

 

 

 

 

علامہ ابن حجرعسقلانیؒ اس آیت کی توضیح میں فرماتے ہیں:"اور یہ آیت اصلاً میں بیع کے جائز ہونے پر ہے۔ اس بارے میں علماء کے اقوال مختلف ہیں صحیح قول یہ ہے کہ یہ عام مخصوص حالتوں کے ساتھ،کیونکہ لفظ تو عام ہے جو ہر قسم بیع کو شامل ہے اور ہر قسم کے بیع کے مباح ہونے کا تقاضا کرتی ہے لیکن شارع (رسول صلی اللہ علیہ وسلم )نے بعض دوسرے بیع سے منع فرمایا ہے اور اسے حرام قرار دیا ہے تو یہ آیت مخصوص حالتوں کے ساتھ عام ہے جب تک اس کے منع پر کوئی دلیل صادر نہ ہوجائے۔"^[22]

 

ہمیں اشتہارات کے منع اورحرمت پر کوئی خاص یا عام دلیل نہیں ملتی بلکہ اس کے شواہد رسول اللہ ﷺ کے زمانے میں بھی ملتے ہیں جسے ذیل میں بیان کیا جاتا ہے:

 

"حضرت ابوہریرۃ رضی اللہ عنہ سے روایت ہے کہ رسول اللہﷺ ایک اناج کے ڈھیر سے گزرے ،آپ ﷺ نے اپنا ہاتھ اس کے اندر ڈالا تو انگلیاں تر ہوئیں۔ آپ ﷺ نے فرمایا اے اناج کے مالک یہ کیا ہے؟ وہ کہنے لگے یا رسول اللہ ﷺ پانی پڑگیا تھا ، آپ ﷺ نے فرمایا پھر تو نے اس بھیگے ہوئے اناج کو اوپر کیوں نہیں رکھا تاکہ لوگ دیکھ لیتے؟ جو شخص دھوکہ دے وہ مجھ سے نہیں ہے (یعنی میرے ساتھ اس کا کوئی تعلق نہیں)۔" ^[23]

 

 

 

 

 

اور ایک روایت میں یوں بھی نقل ہے:

 

 

 

صحابہ کرام رضی اللہ بھی مدینہ کے بازاروں میں اپنا سامان تجارت پیش کرتے تھے اور خود یا نوکروں کے ذریعے آواز لگاتے تھے جو اس وقت کے مطابق اشتہار کا ایک مناسب طریقہ تھا اور آپ ﷺ سے اس کا منع کرنا ذکر نہیں جو اس کے جواز کو ثابت کرتا ہے

 

اشتہار چونکہ تاجروں کا شروع ہی سے ایک ضرورت رہی ہے جس کے بہت سے مثبت پہلو موجود ہیں اس لئے اسلام نے اس کی مخالفت نہیں کی ہے کیونکہ اسلام تو آسانی پیدا کرتا ہے مشکلات نہیں جیسا کہ ارشاد باری تعالیٰ ہے:

 

 

 

 

 

 

 

 

 

حرام اشتہارات:

 

 

 

 

مکروہ اشتہارات

 

 

 

 

مباح اشتہارات

 

 

 

تجارتی اشتہارات کے لئے قواعد و ضوابط

 

صدق(سچائی)

 

 

 

 

اسی طرح نبی کریم ﷺ نے فرمایا:

 

 

 

# عَنْ رِفَاعَةَ عَنْ النبی صَلَّى اللَّهُ عَلَيْهِ وَسَلَّمَ قَالَ: إِنَّ التُّجَّارَ يُبْعَثُونَ يَوْمَ الْقِيَامَةِ فُجَّارًا إِلَّا مَنْ اتَّقَى اللَّهَ وَبَرَّ وَصَدَقَ^[33].

 

 

 

#

 

 

 

 

 

 

 

 

 

اور صرف اس پر اکتفا نہیں کرنا چاہیے بلکہ ایسی نقائص کا بھی اظہار کرنا چاہئے جس کا بیع سے کوئی تعلق نہیں مگر مشتری کے لئے خیرخواہی اس میں موجود ہو جیسا کہ اس روایت میں ذکر ہے:

 

 

 

 

 

# برتن صاف کرنے کے لئے صفائی والے ایک کیمیکل کے اشتہار میں دکھایاجاتا ہے کہ اس کے ایک ہی قطرے سے بہت سارے برتن مکمل طورپر صاف ہوسکتے ہیں جبکہ حقیقتاً ایسا نہیں ہوتا۔

1. اکثر شیمپو کے بارے میں یہ دعویٰ کیا جاتا ہے کہ یہ بالوں سے خشکی کا مكمل خاتمہ کرتی ہے جب کہ حقیقت میں ایسا نہیں ہوتا۔

1. بچوں کے مخصوص ڈبوں میں پیک دودھ کے بارے میں یہ دعویٰ کیا جاتا ہے کہ اس سے شیر خوار بچوں کی نشونما بہت اچھی ہوتی جبکہ حقیقت اس کے برعکس ہوتی ہیں ۔

 

 

 

اس طرح تاجرایک ممنوع عمل کا مرتکب ہوجاتاہے جس سے شریعت انہیں منع کرتی ہے اوریوں دھوکہ دہی کا ارتکاب کرتا ہے۔

 

جھوٹی قسموں سے اجتناب:

 

زیادہ قسمیں کھانا اور جھوٹی قسمیں کھانے سے آپ ﷺ نے سختی سے منع فرمایا ہے، قسم کھانے سے مال تجارت بکتا تو ہے ،مگر برکت چھین لی جاتی ہے، جھوٹی قسمیں کھانے والوں کے بارے میں آپ ﷺنے فرمایا :

 

ثَلَاثَةٌ لَا يَنْظُرُ اللَّهُ إِلَيْهِمْ يَوْمَ القِيَامَةِ، وَلَا يُزَكِّيهِمْ، وَلَهُمْ عَذَابٌ أَلِيمٌ ، قُلْنَا: مَنْ هُمْ يَا رَسُولَ اللَّهِ، فَقَدْ خَابُوا وَخَسِرُوا؟ فَقَالَ: «المَنَّانُ، وَالمُسْبِلُ إِزَارَهُ، وَالمُنَفِّقُ سِلْعَتَهُ بِالحَلِفِ الكَاذِبِ۔ ^[40]

 

"تین آدمی ایسے ہیں کہ اللہ قیامت کے دن ان کی طرف نظر رحمت نہیں فرمائے گا اور نہ ہی انہیں پاک کرے گا اور ان کے لئے دردناک عذاب ہے۔ میں نے عرض کیا یا رسول اللہ ﷺ وہ کون لوگ ہیں؟ وہ تو برباد اور خسارے میں رہ گئے فرمایا ایک احسان جتلانے والا دوسرا تکبر کی وجہ سے شلوار تہبند وغیرہ ٹخنوں سے نیچے لٹکانے والا اور تیسرا جھوٹی قسم کے ساتھ مال بیچنے والا۔"

 

اسی طرح گاہگ کو اچھا نمونہ دکھا کر خراب مال دینا نہایت ذلیل اور نامناسب حرکت ہے، تجارتی مال میں خوبیوں کے ساتھ ساتھ جو خامیاں او ر عیب ہوں ان کا اظہار کر دینا چاہیے،اس کو چھپانا نہیں چاہیے،عیب دار چیز بیچنے کے بارے میں آپﷺ نے ارشاد فرمایا:

 

مَنْ بَاعَ عَيْبًا لَمْ يُبَيِّنْهُ لَمْ يَزَلْ فِي مَقْتِ اللَّهِ وَلَمْ تَزَلْ الْمَلَائِکَةُ تَلْعَنُهُ^[41]

 

"جس نے عیب دار چیز عیب ظاہر ظاہر کئے بغیر فروخت کی وہ مسلسل اللہ کی ناراضگی میں رہے گا اور فرشتے مسلسل اس پر لعنت کرتے رہیں گے۔"

 

 

 

 

 

 

* شراب اور دوسرے منشیات یا اس کے باعث بننے والے اشیاءکے اشتہارات

• ایسے اشتہارات جو لوگوں کو سودی معاملات پر ابھارتے ہوں

• موسیقی کے مجالس کے اشتہارات

• غیر شرعی کاروبار کے اشتہار کے خدمات انجام دینا جو کہ برائی میں تعاون ہے

• انٹرنٹ پر فحش ویب سائٹس کا اشتہار وغیرہ

 

 

 

اشتہار فحش اور شہوانی جذبات ابھارنے والے نہ ہوں:

 

 

 

 

 

 

 

 

 

 

اشتہار میں دوسروں کے پراڈکٹس اور خدمات کو ناقص نہیں دکھانا چاہیے:

 

 

 

غیرشرعی عقائد وافعال کی اشتہار سے اجتناب:

 

 

دوسروں کو تکلیف پہنچانے والے اشتہارات سے اجتناب:

 

 

 

 

 

 

 

 

 

اشتہار کے الفاظ عام فہم ، واضح اور دھوکہ دہی سے پاک ہونے چاہیے:

 

 

صارفین میں تعیشات کی زیادہ سے زیادہ طلب پیدا کرنے سے پرہیز کرنا:

 

خلاصہ بحث

اسلام میں اخلاقیات کا بڑا واضح تصور موجود ہے اور اخلاقیات کی بنیاداسلام کے تصور" عدل واحسان "سے مأخوذہے۔ اخلاقیات کا سب سے کم درجہ یہ ہے کہ ہر انسان اپنے اوپرلازم ذمہ داریاں صحیح طرح سرانجام دے اورکسی بھی فرد بشر کو تکلیف نہ دے۔ اس وقت بھی اگر ہم مسلمانوں میں اخلاقی معیار گِرنے کے اسباب کا جائزہ لیں تو اس کا بنیادی سبب اللہ تعالیٰ کے سامنے جواب دہی اور فکر آخرت کا تصور کمزور پڑنا ہے۔ موجودہ زمانے میں ہر شخص کی ذمہ داری ہے کہ وہ اپنے زِیر کفالت لوگوں میں تصور آخرت کو بیدار کرے، تاکہ مسلمانوں کا معیارِ اخلاقیات بلند تر ہو اور اس مقام پر پہنچ سکے جس میں لوگ ایک دوسرے کے ساتھ تجارتی معاملات اور لین دین کرتے وقت دوسرے انسانوں کے حقوق کی ادائیگی کی زیادہ فکر کریں۔ خوف خدا اور فکر آخرت کے تصور کے تحت اسلام معاشرے کے ہر فرد سے یہ مطالبہ کرتا ہے کہ وہ فرائض یعنی ذمہ داریوں کو پہلی ترجیح دے اور حسنِ اخلاق کی بنیاد پر کیے جانے والے دیگر کاموں کو اس کے بعد پورا کریں ، چنانچہ فرائض اور واجبات میں غفلت وکوتاہی کرکے اخلاقیات کو پوارا کرنے والے کا شمار شریعت میں افراط وتفریط کرنے والوںمیں ہوتا ہے۔ یوں وہ لوگ جو بنیادی کام کو پورا نہ کریں اور وہ کام جو ان پر لاز م نہیں، اس کو بہت تن دہی سے انجام دیں۔کاروباری اخالاقیات کا تصور آج کے معاشی نظام کا ایک ناگزیر حصہ بن چکا ہے۔ دنیا بھر جس طرح تعلیم دینے والے اداروں اور یونیورسٹیوں نے اس کو باقاعدہ نصاب میں شامل کیا ہے۔ اسی طرح عام کاروباری طبقہ کے لیے اس سے استفادہ کرنے کی ضرورت ہیں ۔دورحاضر میں مصنوعات کی تشہیر تجارتی فروغ کے اچھے وسائل میں سے ہے جس کے بغیر معاشی اور تجارتی استحکام مشکل ہے لیکن ساتھ ہی اشتہار کے ذریعے صارفین كا استحصال کیاجانا بھی معمول بن چکا ہے اس لئے ضروری ہے کہ اس کے لئے قواعد وضوابط وضع کیے جائیں تاکہ صارفین کے حقوق کو تحفظ دیا جاسکے اور انہیں اپنے حقوق کا ادراک حاصل ہوجائے تاکہ کوئی ان کے ساتھ ظلم نہ کریں اور ساتھ ہی تاجروں کے پیشے کو مناسب ترقی دے کرانہیں دنیا وآخرت میں عزت کا مقام حاصل ہو جائے ۔

 

حوالہ جات