عصر حاضر جہا ں اپنے دامن میں بے مثال کامیابیوں کی داستان سمیٹے ہوئے ہے۔ وہیں بے شمار مسائل اور چیلنجز کا بھی سامنا ہے۔ تیز ترین ترقی نے انسان کو مادیت پرستی کی طرف راغب کر دیا ہے۔ خاندانی اور اخلاقی اقدار زوال پذیر ی کا شکار ہو رہی ہیں ۔انسان جسم اور روح کا مرکب ہے۔ سائنس و ٹیکنالوجی اس کی مادی ضروریات تو پوری کرنے پر قادر ہے لیکن اس کی روحانی حاجات کی تسکین سے عاجز ہے۔ کیونکہ جہاں عقل کی حدود ختم ہوتی ہیں وہیں سے روح کا سفر شروع ہوتا ہے اور روح کی تسکین کا سامان تو صرف اور صرف آقائے نامدار حضرت محمد مصطفیٰ ﷺ کی سیرت طیبہ میں پوشیدہ ہے۔

 

معاشرت پسندی انسان کے خمیر میں ہے۔ ہر دور کے انسان نے اجتماعی زندگی کو پسند کیاہے۔ اور اس کی اجتماعی عمرانیاتی زندگی کی بنیادی اکائی خاندان ہے۔ جو زوجین کے معاہدہ نکاح کی صورت میں وجود میں آتا ہے۔ خاندان وہ معاشرتی ادارہ ہے جو قوموں کی تعمیر کرتا ہے۔افراد کی شخصیت کی تعمیر ، کردار سازی یہیں کی جاتی ہے۔ شخصیت کی تعمیر اور کردار سازی اخلاقی تربیت کے بغیر ادھوری ہے۔ اخلاق خوشنمابرگ وبار کی مانند ہے کہ جس کی عدم موجودگی انسانی شخصیت کوبے رنگ اور بد نما اور عیب دار کر دیتی ہے۔اخلاق انسانی جسم میں لہو کی مانند ہے۔ جیسے انسان کے اخلاق ہوں گے ویسے ہی اس کے اعمال ہوں گے۔اخلاق کی تربیت راتوں رات نہیں ہو جاتی بلکہ تربیت اخلاق کا عمل تو بچے کی پیدائش سے ہی شروع ہو جاتا ہے اور یہ اس کی نشوونما کے ساتھ ساتھ جاری رہتا ہے اور اس کی ذات اس کی فطرت کا غیر محسوس انداز میں حصہ بن جاتا ہے۔ اس کے اعمال اس کے افعال کا ظہور اسی فطرت کے تحت ہوتا ہے۔

 

انسانی زندگی کی ابتداء خاندان میں ہوتی ہے، جہاں خاندان بچے کی باقی کی ضروریات کی تسکین کا پابند ہوتا ہے وہیں بچے کی روحانی حاجات اور اس کی تربیت بھی خاندان کے فرائض میں شامل ہے۔عربی میں خاندان کو عائلہ کہتے ہیں۔ اس کا مادہ 'ع ول 'ہے۔ خاندان عام طور پر زوج زوجہ اور اولاد پر مشتمل ہوتا ہے۔ جیسا کہ آکسفورڈ ایڈوانسڈ لرنرز ڈکشنری میں بھی خاندان کی یہی تعریف کی گئی ہے۔

 

Family: Group of parents and children, All those who persons decended from common ancestors, group of living things or of language with comon Characteristics and a common source.^[1]

 

 

 

 

 

 

 

 

 

 

 

 

 

 

 

 

 

 

 

 

 

 

 

خاتم النبیین ﷺ کی سیرت طیبہ زندگی کی بو قلمونیوں کا عجب حسین و جمیل مرقع ہے ،جس کی شان جامعیت کا عالم تو یہ ہے کہ چودہ سو سالوں میں اس کے ہر پہلو پر، ہر زمانے میں، دنیا کی ہر زبان میں کئی ضخیم کتب لکھی گئیں لیکن پھر بھی سیرت محمد مصطفٰی ﷺ کے اسرار ختم نہ ہوئے۔یوں تو یہ آپ ﷺ کی تربیت ہی تھی کہ عرب کہ بدو دنیا کی تہذیب یافتہ اور متمدن قوم بن گئی۔مسجد کے منبر سے لے کر سیاست کی مسند تک، معیشت کے بازاروں سے لے کر معاشرہ اور خاندان تک آپ ﷺ نے زندگی کے ہر پہلو پر کامل راہنمائی فرمائی۔اور یہ اصول اس قدر جامع ہیں کہ ان سے بہتر اور کوئی ضابطہ حیات ہو ہی نہیں سکتا۔ہر میدان کی طرح آپﷺ نے اپنے اصحاب کی نہ صرف اخلاقی تربیت کی بلکہ اخلاق حسنہ کا عملی مظاہرہ بھی کر کے دکھایا۔اور صرف یہی نہیں بلکہالا کلکم راع و کلکم مسؤل عن رعیتہ۔" ^[11]فرما کر جہاں دیگر معاملات میں سربراہ خاندان کو ذمہ دار ٹھہرایا وہیں خاندان کی اخلاقی تربیت بھی سربراہ خاندان پر لازم قرار دی۔اگرچہ آپﷺ نے اخلاق حسنہ کو فرو غ دینے کے لیے جامع ہدایات فرمائیں جن پر اگر سرسری بحث بھی کی جائے تو اچھا خاصا ضخیم مقالہ بن جائے۔ لیکن اس مختصر مقالہ میں خاندان کی تربیت اخلاق کے نبویﷺ منہج پر بات کی جائے گی۔ اور آپ ﷺ کی خانگی زندگی کے اس پہلو کو سامنے رکھتے ہوئے خاندان کی اخلاقی تربیت کے لیے راہنما اصول مرتب کرنے کی کوشش کی جائے گی ۔سیرت النبی ﷺ کا بغور مطالعہ کرنے سے خاندنی نظام میں تربیت اخلاق کےپانچ مراحل سامنے آتے ہیں۔*

• دوسرا اہل خانہ کے ساتھ اخلاق حسنہ کا عملی مظاہرہ

• تیسراگھر کی فضا میں محبت ،الفت، اعتماد اور دوستی کی فضا کا ہونا

• چوتھا جہا ں لازم ہو بیوی کی مناسب انداز میں اصلا ح کرنا

• پانچواں مر حلہ یہ کہ زوجین کا باہم مل کر نسل نو کی تعمیر اخلاق کے لیے تگ و دو کرنا۔

 

 

 

 

 

 

 

 

 

 

 

 

 

 

 

 

تہذیب اخلاق کے لیے باہمی الفت و محبت کا ہونا بہت ضروری ہے۔ کیونکہ محبت ہی اخلاق کی آبیاری کے لیے سازگار ماحول فراہم کرتی ہے۔ محبت ذریعہ ہم آہنگی ہے، افراد خانہ کے درمیان عزت و احترم کے جذبات پیدا کرتی ہے۔ اور عزت و احترام سے ہی رشتوں کا تقدس بحال رہتا ہے ایک دوسرے کی بات سننے اور سمجھنے کا حوصلہ پیدا ہوتا ہے۔ اگر زوجین کے درمیان الفت و محبت ہی مفقود ہو، وہ ہر وقت ایک دوسرے سے بیزار ہوں۔ تو اس ماحول میں وہ اولاد کو کیا اخلاق سکھائیں گے اور کیا ان کی تربیت کا حق ادا کر سکیں گے۔

 

اگر ہم آنحضور ﷺ کی خانگی زندگی پر نظر دوڑائیں تو یہ الفت و محبت گھر کے کونے کونے میں رچی بسی نظر آتی ہے۔آپ ﷺ کے عقد میں متعدد ازواج تھیں عمر، ذہن اور مزاج کا اختلاف اپنی جگہ لیکن محبت و الفت نہ صرف زوجین میں نظر آتی ہے بلکہ یہ محبت باہم ازواج میں بھی تھی۔ آپ ﷺ اہل خانہ کے ساتھ گھل مل جاتے تھے، گھر یلو کام کاج میں ازواج کا ہاتھ بھی بٹاتے،کبھی گھر میں آٹا گوندھ دیتے ، جیسا کہ ایک بار حضرت عائشہ سے چولہے کی آگ نہیں جل رہی تھی، توحضورﷺ نے حضرت عائشہ کو ایک طرف کرکے خود آگ جلا کردی، اس حالت میں کہ گیلی لکڑیوں کا دھواں آپﷺ کے چہرہ انور پر پھیل رہا تھا۔

 

 

 

 

 

 

 

 

 

 

 

 

خوش خلقی کے اس برتاؤ کی تعلیم کا دائرہ کار صرف انسانوں تک ہی محدود نہ تھا بلکہ جب ایک بار حضرت عائشہ کا اونٹ دوران سفر تیزی کرنے لگا تو دستور زمانہ کے مطابق حضرت عائشہ کے منہ سے فقرہ لعنت نکل گیا۔ آپ ﷺ نے فرمایا اس اونٹ کو واپس کر دو ملعون چیز ہمارے ساتھ نہیں رہ سکتی۔ ^[22]گویا کہ یہ تلقین تھی کہ جانور تک کو برا نہیں کہنا چاہیے۔

 

آپ ﷺ کی تربیت کا ایک انداز یہ بھی تھا کہ آپ ﷺ نام لیے بغیر غیر محسوس انداز حکیمانہ بصیرت کے ساتھ اصلاح فرما دیا کرتے تھے لیکن اگر کبھی کوئی بات زیادہ سنگین ہوتی تو اس پر خفگی کا اظہار بھی فرماتے حضرت صفیہؓ کسی قدر پست قد تھیں ۔ ایک دن حضرت عائشہ نے کہا ’’ یا رسول اللہ ! بس کیجئے صفیہ تو اتنی ہیں ‘‘۔ آپ نے فرمایا ’’عائشہ تم نے ایسی بات کہی کہ اگر وہ سمندر کے پانی میں گھول دی جائے تو وہ اس پر بھی غالب آ جائے ‘‘یعنی یہ غیبت ایسی تلخ بات ہے کہ سمندر کے پانی میں ملا دی جائے تو کل پانی بد مزہ ہو جائے ۔ عرض کیا ’’ یا رسول اللہ ! میں نے تو ایک شخص کی نسبت واقعہ بیان کیاہے۔اس پر آپ ﷺ نے فرمایا کہ اے عائشہ " اگر مجھ کو اتنا اور اتنا بھی دیا جائے تو بھی یہ بیان نہ کر وں "۔یعنی مجھ کو کسی قدر بھی لالچ دلائی جائے تو میں ایسی بات کسی کے متعلّق نہ کہوں ۔^[23]

 

پھر آپ ﷺ نہ صرف اخلاق حسنہ کی تربیت کرتے ہیں بلکہ آپ ﷺ کی تربیت کا ایک خوبصورت پہلو یہ بھی ہے کہ آپ ﷺ اخلاقی حوالے سے اپنا دفاع احسن انداز میں کرنا بھی سکھاتے ہیں ۔جیسا کہ ایک بارسیدہ صفیہ رضی اللہ عنہا جو ایک یہودی حیی بنت اخطب کی بیٹی ہیں اور آپ ﷺ کی بیوی بھی ہیں،جنگ خیبر کے موقعہ پر آپﷺ نے ان سے شادی فرمائی۔انکے کمرے میں آپﷺ تشریف لے گئے تو دیکھا کہ وہ زار وقطار رورہی ہیں ۔آپ ﷺ نے ان سے پوچھا کہ صفیہ کیوں رورہی ہو؟کہا کہ زینب جو آپکی بیوی ہیں وہ کہہ رہی تھیں کہ ہمار اتعلق نبی کریم ﷺ سے نسبی ہے،لہذا فضیلت میں ہم تم سے بڑھ کر ہیں۔تم فضیلت میں ہمارے برابر نہیں ہوسکتیں اور ہم سے بڑھ نہیں سکتیں۔فورا ًنبی کریم ﷺ نے ان سے یہ کہا کہ: ارے !تم نے یہ کیوں نہیں کہہ دیا کہ تم مجھ سے فضیلت میں کیسے بڑھ کر ہوسکتی ہوجبکہ میرا باپ ہارونؑ اور میرے چچا موسیٰؑ اور میرے شوہر حضرت محمد ﷺ ہیں۔^[24]

 

آپ ﷺ نے کس خوش اسلوبی سے معاملہ نمٹا دیا کہ دلوں میں کدورت بھی نہ رہی اور ملال بھی جاتا رہا۔کہ بجائے دل جلانے کہ بہترین طریقے سے دفاع کرنے کی بھی تعلیم دے دی۔

 

پھر آپ ﷺ اپنے اہل خانہ کو صلہ رحمی کی ترغیب دیتے بھی نظر آتے ہیں جیسا کہآپ ﷺ نے فرمایا "صلہ رحمی عرش کے ساتھ لٹکائی ہوئی ہے اور کہتی ہے کہ جس نے مجھے جوڑا اللہ اسے جوڑے گا اور جس نے مجھے توڑا اللہ اس سے دور ہو گا۔"^[25]

 

 

 

آنحضور ﷺ کی اخلاقی تربیت کا ہی نتیجہ تھا کہ " بنی زہرہ کے چند لوگوں کے ساتھ حضرت عائشہ بہت اچھی طرح پیش آتی تھیں کیونکہ ان لو گوں کی آنحضورﷺ سے قرابت تھی۔"^[28]

 

کہا جاتا ہے کہ عورت اور قناعت ایک جگہ اکٹھے نہیں ہو سکتے لیکن آنحضور ﷺ کے اہل خانہ میں زہد و قناعت کے اوصاف بہت نمایاں نظر آتے ہیں۔ حالانکہ آپ ﷺ کی اکثر ازواج بڑے گھرانوں سے تھیں نہایت نازو نعم میں پلی بڑھیں تھیں لیکن یہ آپ ﷺ کی محبت اور تربیت کا اعجاز تھا کہ دنیاوی مال و مطاع کی حرص سے بے نیاز تھیں آنحضور ﷺ خود بہت فیاض تھے تو ازواج مطہرات بھی آپ ﷺ کے نقش قدم پر چلتے ہوئے جو بھی ان کے پاس ہوتا جمع کرنے بھی بجائے راہ خدا میں خرچ کر دیا کرتیں اور خود گھر کے حالات یہ تھے کہ کئی کئی روز آپ ﷺ کے گھر کا چولہا نہ جلتا تھا، آپ ﷺ کے اہل خانہ کی خوراک پانی اور کھجوروں پر ہی مشتمل رہتی۔ آپﷺ کےگھر والے مسلسل کئی کئی راتیں فاقہ کشی میں گزار دیتے کیونکہ گھر میں شام کو کھانے کی کوئی چیز نہ ہوتی تھی۔ ازواج مطہرات کے حجرے دس دس بارہ بارہ فٹ کے تھے جن میں سے بعض کی دیواریں کچی تھیں اور بعض کے لیے اوپر ٹہنیاں ڈال کر لپائی کر دی گئی تھی اور کھجور کی شاخوں کی چھتیں تھیں ۔ اونچائی اتنی کہ کھڑے ہو کر ہاتھ بآسانی چھت تک جا پہنچتا۔^[29]حضرت عائشہؓ فرماتی ہیں چالیس چالیس راتیں گزر جاتیں اور گھر میں چراغ نہ جلتا تھا،کبھی تین دن لگاتار ایسے نہیں گزرے کہ خاندان نبوت نے سیر ہو کر کھایا ہو۔^[30]مزید فرماتی ہیں کہ"پورا مہینہ گزر جاتا تھا ہم چولہے میں آگ نہیں جلاتے تھے صرف کھجور اور پانی پر ہماری گزر اوقات ہوتی تھی۔"^[31]

 

ازواج مطہرات ان حالات میں بھی نہایت صبر و شکر کے ساتھ گزارہ کرتیں اور آپ ﷺ کی رفاقت کو دنیا وما فیہا سے بہتر خیال کرتیں ، جیسا کہ ایک بار ازواج مطھرات نے بشری تقاضوں کے پیش نظر نفقہ میں اضافہ کا مطالبہ کیا تو آپ ﷺ نے انہیں دنیا یا آخرت میں سے کسی ایک کو اختیار کرنے کی پیشکش کی اور تمام ازواج مطہرات نے آخرت کو ہی پسند کیا۔^[32]

 

لیکن ہم یہ بھی دیکھتے ہیں کہ موجودہ خواتین کی طرح امہات المومنین میں مال و مطاع کی حرص نہ تھی اور وہ مال کو جمع کرنے یا رکھنے کی قائل بھی نہیں تھیں۔ فیاضی اور سخاوت کی صفت ان میں عروج پر تھی۔ان کے یہاں کہیں سے کوئی ہدیہ یا تحفہ آتا تووہ اسے اسی وقت ضرورت مندوں میں تقسیم کر دیتی تھیں۔

 

موطا امام مالک سے روایت ہے کہ حضرت عائشہ رضی اللہ عنہا ایک دن روزے سے تھیں اور گھر میں ایک روٹی کے سوا کچھ نہ تھا، اتنے میں ایک سائلہ نے آواز دی، انہوں نے باندی کو حکم فرمایا کہ روٹی سائلہ کو دے دے ، باندی نے کہا: شام کو افطار کس چیز سے کریں گی؟ ام المومنین نے فرمایا: تم یہ اسے دے دو، شام ہوئی تو کسی نے بکری کا گوشت ہدیہ بھیج دیا- باندی سے فرمایا: دیکھو! اللہ نے روٹی سے بہتر چیز بھیج دی ہے۔^[33]

 

ایک بار حضرت عائشہؓ کوان کے بھانجے حضرت عبداللہ بن زبیرؓ نے اس قدر فیاضی وسخاوت پر ٹوکا تو وہ ان سے سخت خفا ہوئیں اور ان سے بات نہ کرنے کی قسم کھا لی۔^[34]

 

حضرت زینب بنت خزیمہ اپنی سخاوت اور فیاضی کی وجہ سے ام المساکین کے لقب سے مشہور تھیں۔صحیحین میں ہے کے آپ صلی اللہ علیہ وسلم نے ازواج مطہرات کو اطلاع دی کے تم میں سے سب پہلے مجھ سے آکر وہ ملے گی جس کا ہا تھ سب سے لمبا ہو گا اور ایسا ہی ہوا سب سے پہلے ام المومنین سیدہ زینب بنت جحش رضی اللہ عنہا کا انتقال ہوا جو سب سے زیادہ سخی تھیں۔ )عربی محاورے میں سخی کو لمبے ہاتھ والا کہتے ہیں۔مسلم شریف میں حضرت عائشہ کا بیان ہے کہ ہم میں سب سے زیادہ دراز ہاتھ والی (یعنی صدقہ خیرات کرنے والی ) حضرت زینب تھیں۔ وہ سوت کاتا کرتی تھیں اور دیگر محنت مشقت دباغت وغیرہ کرکے پیسہ حاصل کرتیں اور فی سبیل اللہ صدقہ خیرات کیا کرتی تھیں۔ بعض لوگوں نے یہ بھی کہا ہے کہ ناپ کے لحاظ سے حضرت سودہ کے ہاتھ دراز تھے‘ ازواج النبی صلی اللہ علیہ وسلم نے شروع میں یہی سمجھا کہ دراز ہاتھ والی بیوی کا انتقال پہلے ہونا چاہیے۔ مگر جب حضرت زینب کا انتقال ہوا تو ظاہر ہوگیا کہ آنحضرت صلی اللہ علیہ وسلم کی مراد ہاتھوں کا دراز ہونا نہ تھی بلکہ صدقہ وخیرات کرنے والے ہاتھ مراد تھے اور یہ سبقت حضرت زینب کو حاصل تھی‘ پہلے انہی کا انتقال ہوا۔^[35]

 

یہ آپ ﷺ کی تربیت کا ہی اعجاز تھا کہ تمام ازواج مطہرات کے دس دس ہزار درہم سالانہ مقرر تھے،^[36]لیکن ازواج مطہرات اسے فی الفور صدقہ کر دیا کرتی تھیں۔ حضرت عائشہ صدیقہ رضی اللہ عنہا کے بارہ ہزار دینار مقررتھےلیکن حضرت عائشہ رضی اللہ عنہا اس کے باوجود قناعت اختیار کرتیں اور ہمیشہ موٹے اور کم قیمتی کپڑے پہنتی تھیںاور تمام رقم راہ خدا میں خرچ کر دیتیں-^[37]

 

آپ ﷺ اکثر ازواج مطہرات کو ایثار کی تلقین فرمایا کرتے تھے جیسا کہایک دفعہ کسی سائل نے سوال کیا۔ حضرت عائشہؓ نے اشارہ کیا تو لونڈی ذرا سی چیز لیکر دینے چلی۔ آپ نے فرمایا ’’ عائشہؓ گن گن کر نہ دیا کرو ورنہ خدا تم کو بھی گن گن کر دیگا ‘‘^[38]

 

دوسرے موقع پر فرمایا ’’ آنحضور حضرت عائشہ سے فرمایا کرتے تھے اے عائشہ کسی مسکین کو اپنے دروازے سے خالی ہاتھ نہ جانے دو، کچھ نہ ہو تو چھو ہارے کا ایک ٹکڑا ہی سہی ضرور دے دو۔^[39]

 

 

 

 

۵۔ تربیت اولاد کا نبوی منہج

 

 

 

 

 

 

 

 

 

 

 

 

 

 

 

 

 

آپ ﷺ اکثر اپنے نواسوں کو بھی مختلف دعائیں یاد کروایا کرتے تھے۔انہیں نماز سکھاتے اور عمدہ اخلاق کی تربیت دیتے۔سیرت النبی ﷺ کے مطالعہ سے پتہ چلتا ہے کہ تربیت کا یہ سلسلہ اولاد کے جوان ہو جانے یا شادی کے بعد بھی ختم نہیں ہوتا، جیسا کہ آپ ﷺ اکثر حضرت فاطمہ ؓ کی شادی کے بعد بھی ان کی تربیت و اصلا ح کے لیے فکر مند رہتے تھے ۔

 

 

 

پھر ہم دیکھتے ہیں کہ آپ ﷺ اپنی اولاد کو مصائب و آلام پر صبر و شکر کی تعلیم بھی نہایت احسن انداز میں فرماتے ہیں ۔ ایک مرتبہ کسی غزوہ میں کچھ کنیزیں آئیں رسول اللہ ﷺ انہیں تقسیم فرما رہے تھے۔حضرت فاطمہ کو بھی ایک خادمہ کی ضرورت تھی کیونکہ آپ ؓ گھر کے تمام کام خود سرانجام دیتی یہاں تک کہ چکی بھی خود پیستیں،جس کی وجہ سے آپ کے ہاتھوں میں آبلے پڑ جاتے تھے۔اور خود پانی کی مشک بھر کر لاتی تھیں جس کی وجہ سے سینہ پر مشک کی رسی کے نشان پڑ گئے تھےگھریلو ذمہ داریوں میں مدد کے لیے آپ نے نبی کریمﷺ کی خدمت میں حاضر ہو ئیں لیکن حیا اور خوداردی کے باعث کچھ کہہ نہ پائیں ، حضرت علی ؓ نے ترجمانی کی ۔ لیکن آپ ﷺنے فرمایا ” ما عندی اعطیک ۔"آپ واپس چلی گئیں، اور پھر اس کے بعد آپﷺ ان کے پاس تشریف لے گئے اور فرمایا کہ تمہیں وہ چیز زیادہ پسند ہے جو تم نے طلب کی ہے یا اس سے بہتر چیز ، حضرت علی پاس تھے ان سے کہنے لگے کہیے وہ چیز جو اس سے بہتر ہے ، حضرت فاطمہؓ نے ایسا ہی کہا آنحضرت ﷺ نے فرمایا کہو :

 

"اللھم رب السموات السبع ورب العرش العظیم ربنا ورب کل شئی منزل التوراۃ والانجیل والقرآن العظیم انت الاول فلیس قبلک شئی وانت الاخر فلیس بعدک شئی وانت الظاہر فلیس فوقک شئی وانت الباطن فلیس دونک شئی اقض عنا الدین واغننا من الفقر ۔"^[54]

 

آپ ﷺ نے انہیں نماز کے بعد اور بستر پر آنے کے بعد پڑھنے والے کلمات سکھائے،اس واقعے سے ثابت ہوتا ہے کہ دنیاوی آسائشوں کی بجائے اولاد کو اخلاق سکھانا زیادہ اہم ہے۔ دوسری بات کے تربیت کی یہ ذمہ داری اولاد کی شادی ہو جانے کے بعد بھی ختم نہیں ہوتی ، پھر آپ ﷺ کا استفہامیہ انداز کہ آیا تمہیں وہ چیز پسند ہے جو تم نے طلب کی ہے یا وہ جو اس سے بہتر ہے۔ اب یہاں آپ ﷺ اپنی اولاد کو ترجیحات کا تعین کرنا سکھا رہے ہیں ۔ اور ساتھ ساتھ دنیاوی عیش وآرام سے بے رغبتی اور اخروی فلاح کی طلب کی طرف راغب کر رہے ہیں۔ اسی طرح کا ایک واقعہامام بخاری ابن عمر سے روایت کرتے ہیں کہ کیسے آپ ﷺ نے اپنی اولاد کو دنیا سے بے رغبتی اختیار کرنا سکھائی۔

 

 

 

 

 

 

 

 

 

 

 

عصر حاضر تیز ترین ترقی کا دور ہے۔ مادیت پرستی عام ہوتی جا رہی ہے۔ والدین بچے دنیاوی تعلیم کے لیے جتنے کو شاں رہتے ہیں اتنے تربیت اخلاق کے لیے نہیں ہوتے کیونکہ تعلیم کا مقصد بھی معاشی فوائد کا حصول بن چکا ہے۔ دوسرا زندگی میں آنے والی نت نئی ایجا دات نے انسان کو انسان سے دور کر دیا ہے ، افراد خانہ کی ملا قات عام طور پر کھانے کی میز پر ہی ہوتی ہے۔ ہر فرد مصروفیت کا شکار ہے۔ نتیجتاً بچہ والدین کی نگرانی سے دور اور میڈیا کے ہاتھوں پرورش پا رہا ہے۔ آج کے بچے کی تربیت میڈیا کر رہا ہے۔ اسی لیے خاندانی اور اخلاقی اقدار کمزور ہوتی جا رہی ہیں۔ زندگی کا حسن اس کے توازن میں پوشیدہ ہے۔ اور اگر یہ توازن بگڑ جائے تو سب کچھ بکھر جاتا ہے۔ لہذا والدین کو اپنے اپنے دائرہ عمل میں رہتے ہوئے اپنی اپنی ذمہ داریوں کو پورا کرنا چاہیے، اس کے لیے چند تجاویز ہیں

 

 

 

 

 

 

 

 

 

حوالہ جات